Дұрыс тамақтану мәдениетін қалыптастыру мақсатында 5–11-сынып оқушылары арасында сынып сағаттарында теңдестірілген дұрыс тамақтануды насихаттауға бағытталған идеологиялық-тәрбиелік жұмыстар жүйелі түрде жүргізілді. Іс-шаралар барысында оқушыларға дұрыс тамақтанудың маңызы, пайдалы тағамдарды таңдау және тамақтану режимін сақтау туралы түсіндіру жұмыстары ұйымдастырылды.

"Дұрыс тамақтану-денсаулықтың негізі" тақырыбындағы бастауыш және орта буын сыныптардағы сынып сағаттары.  

"Дұрыс тамақтану деген не?" тақырыбы аясында бастауыш сыныптарда сынып сағаттары өтіп, дұрыс тамақтанудың маңызы жайлы мәлімет берілді. Оқушыларға бала денсаулығына кері әсерін тигізетін факторлар туралы айтылды. Сонымен бірге, пайдалы азық-түлік және күн тәртібіне байланысты тамақтану режимі жайлы балалардың білімдерін кеңейтуге бағытталған түсіндіру жұмыстары жүргізілді.