«Қазақстандағы сыбайлас жемқорлыққа қарсы заңнаманы өзгерту қажет пе?»

Мектебіміздің «Қазақи элита» пікірсайыс клубының жоспарына сәйкес «Қазақстандағы сыбайлас жемқорлыққа қарсы заңнаманы өзгерту қажет пе?» тақырыбында мазмұнды әрі тартысты пікірсайыс ойыны өтті.

Іс-шара барысында қатысушылар сыбайлас жемқорлықтың қоғамға әсері, қолданыстағы заңнаманың тиімділігі және оны жетілдіру жолдары туралы өз көзқарастарын ортаға салды. Әр тарап нақты дәлелдер мен мысалдар келтіріп, қарсы пікірлерге сауатты түрде жауап берді.

Пікірсайыс ойыны қатысушылардың сыни ойлау қабілетін дамытып, құқықтық сауаттылықты арттыруға, сондай-ақ азаматтық белсенділікті күшейтуге ықпал етті. Өзекті тақырып аясында тың ойлар айтылып, маңызды қорытындылар жасалды.