№19 ЖББМ кітапханасында, Ұлыстың ұлы күні - Наурыз мерекесіне орай, "Оюлар сөйлейді" тақырыбында таныстыру сағаты өтті. Мақсаты: оқушыларға ою-өрнек туралы түсінік беру. Ою оюды үйрету. Оқушының ой-қиялын дамытып, іскерлікке баулу. Таныстыру барысында,  оқушылар ұлттық киімдерге байланысты салт-дәстүрлер мен әдет-ғұрыптарды сақтауға,  өз бойларында ұқыптылық,  әдемілік сынды қасиеттерін дамыта отырып,  асыл мұрамызды жаңғырта беруге,  қастерлеуге,   кейінгі ұрпаққа жеткізу парыз екендігін ұқты.

№19 жалпы білім беретін мектеп ұжымы Наурыз мерекесін бар сән-салтанатымен өткізді. Ұлттық киім киген ұжым мүшелері сегіз топқа бөлініп, өнерлерін ортаға салды. Өнерлі ұжымдастар әуелетіп ән салып, күмбірлете күй шертіп, мың бұрала би билеп шараның шырайын келтірді.  Ұлыстың ұлы күні ақ тілектер айтылып, наурыз көжеден дәм татылды. Жастар естелік фотоға түсіп, ұлттық дәстүрімізбен үндескен шарадан үлкен әсер алды. Ұлыс оң болсын! Ақ мол болсын! Ұлыстың ұлы күні – Наурыз құтты болсын!

Көрісу - қазақтың ертеден келе жатқан салт-дәстүрі. Батыста сақталған бұл дәстүр қазір еліміздің барлық өңірлерінде кеңінен атап өтіледі. Ағайын-жұрағат, көрші-көлең, барлығы таңертең ерте тұрып, бір-бірімен қауышып, игі, жақсы тілектер айтады.  Қыстан аман шыққанына қуанған халық бір-бірімен қол алысып, амандасады. Үй аралап, көрісіп шығады. Бір-біріне «бір жас қосуыңмен» деп ізгі тілегін айтып жатады. Осынау көктемнің хабаршысындай болған «Көрісу күнімен» баршаларыңызды құттықтап,

№19 жалпы білім беретін мектептің құқықбұзушылықтың алдын алу штабы 5-11 сынып оқушылары арасында «Зиянды әдеттерден сақ болайық!» тақырыбында семинар өткізді. Мақсаты: жасөспірімдер арасындағы шылым шегудің, нашақорлықтың, маскүнемділіктің алдын алу, салауатты өмір салтын ұстануды насихаттау. Сонымен қатар, нарколог-дәрігер Трубникова А.А. синтетикалық есірткілерді тұтынудың салдары, электронды темекі өнімдерінің қоспалары мен зияны туралы ақпарат берді.

1 наурыз - Дүниежүзілік азаматтық қорғаныс күні.          Жыл сайын әлемнің көптеген елдерінде Халықаралық Азаматтық қорғаныс ұйымының шақыруы бойынша 1 наурызда Дүниежүзілік Азаматтық қорғаныс күні атап өтіледі. Осы іс-шараға  орай мектебімізде табиғи апаттан қорғану, соның ішінде жер сілкінісі кезінде  үйде, мектепте өздерін ұстауы және алғашқы көмек көрсету бойынша сақтық шарасы өтті. Мектебіміздің басшысы, алғашқы әскери даярлық пәні мұғалімі, мектеп медбикесі және сынып жетекшілер

1 наурыз - Алғыс айту күніне орай, №19 жалпы білім беретін мектептің «Жас Ұлан» және «Жас Қыран» балалар мен жасөспірімдер ұйымының, «Адал ұрпақ» ерікті мектеп клубының мүшелері  қазақ халқына өзге ұлт өкілдерінің алғысын білдіру мақсатында қабырға газетін шығарды. ​https://youtube.com/shorts/0185UFZUNRg?feature=share​​​