Түркістан облысындағы «Балдәурен» республикалық оқу-сауықтыру лагеріне 4-23 мамыр аралығында лагердің 6-ауысымына мектебімізден аудан, қалалық байқаулар жеңімпаз оқушылары барып, жақсы демалып қайтты. Өз кезегінде мектеп ұжымы мен ата-аналары Алматы қаласының Білім басқармасына және Медеу аудандық білім бөліміне өз ризашылықтарын білдіреді.  

Халықаралық “Сәлем, Астана” фестиваль байқауында І орынға ие болған “Достар” квартеті: Жанғазы Аңсар, Қошқарбек Алмаз, Базарғали Інжу, Жақсылық Каусар және соло орындаушы Музапар Еңлікті құттықтаймыз.

Алматы қаласы Білім басқармасы «Алматы дарыны» дарынды балалар мен талантты жастарды анықтау және қолдау жөніндегі орталығының ұйымдастыруменен 7-11 сынып оқушылары арасындағы қалалық «Пікірсайыс-өмір салты» атты челленджіне №19 жалпы білім беретін мектептің өзін-өзі басқару ұйымы қатысып, «Креативті видеобейне» номинациясы бойынша марапатталды. 

Алматы қаласы Білім басқармасы «Алматы дарыны» дарынды балалар мен талантты жастарды анықтау және қолдау жөніндегі орталығының ұйымдастыруменен 7-11 сынып оқушылары мен колледж студенттері арасындағы «Мектепте/колледжде бір күн» атты челленджіне №19 жалпы білім беретін мектептің өзін-өзі басқару ұйымы қатысып, «Ең жарқын қызықты бейнебаян» номинациясы бойынша марапатталды.  

Мектебіміздің 2 сынып оқушысы Алимжанова Ариана Қазақстан теннис федерациясы ұйымдастыруымен өткен «ACE green ball» категориясы бойынша теннис ойынына қатысып республикалық деңгейде 1 орын иеленді. Жеңімпазымызды жеңісімен құттықтаймыз!

Мектебіміздің 3-4 сынып оқушылары «ZERDELI» ақыл-ой дамыту мектебі ұйымдастырған математика пәнінен «Алтын сақа» олимпиадасының аудандық кезеңінде жүлделі орындармен марапатталып, қалалық кезеңге жолдама алды. Оза шапқан жүйріктерімізге алдағы қалалық кезеңге жеңіс тілейміз.