«ҚЫСҚЫ КАНИКУЛ КЕЗІНДЕ БАЛАЛАРДЫҢ ҚАУІПСІЗДІГІ»

№ 19 жалпы білім беретін мектепте «ҚЫСҚЫ КАНИКУЛ КЕЗІНДЕ БАЛАЛАРДЫҢ ҚАУІПСІЗДІГІ» тақырыбында ата-аналар жиналысы өтті. Кездесулерде суық ауа райы мен қысқы ойын-сауыққа байланысты ықтимал қауіптердің алдын алуға қатысты негізгі аспектілер талқыланды.

Мектеп әкімшілігі ата-аналарды балалар үшін қауіпсіз ортаны қамтамасыз етуге, белсенді қатысуға шақырды. Мұз үстінде жүру ережелері, шанамен сырғанау үшін қауіпсіз орындарды таңдау бойынша ұсыныстар және қауіпті жағдайларды болдырмай, бейресми қарым-қатынас жасауға жағдай жасау мәселелері талқыланды. Сондай-ақ балалардың орналасқан жерін қадағалау үшін мобильді қосымшаларды қолданудың маңыздылығына назар аударылды.