Мектебіміздің 2 сынып оқушысы Алимжанова Ариана Қазақстан теннис федерациясы ұйымдастыруымен өткен «ACE green ball» категориясы бойынша теннис ойынына қатысып республикалық деңгейде 1 орын иеленді. Жеңімпазымызды жеңісімен құттықтаймыз!

Мектебіміздің 3-4 сынып оқушылары «ZERDELI» ақыл-ой дамыту мектебі ұйымдастырған математика пәнінен «Алтын сақа» олимпиадасының аудандық кезеңінде жүлделі орындармен марапатталып, қалалық кезеңге жолдама алды. Оза шапқан жүйріктерімізге алдағы қалалық кезеңге жеңіс тілейміз.

«AMANAT» партиясы жанындағы «Жастар Рухы» Жастар қанаты ұйымдастыруымен Алматы қалалық мектеп оқушылары арасында өткен QAISAR әскери-патриоттық ойындарына қатысқан 10-11 сыныптан құралған мектеп командасы алғыс хатпен марапатталды.  

Қазақстан Республикасы оқу-ағарту министрлігі Ұлттық ғылыми-практикалық дене тәрбиесі орталығы ұйымдастырған «Үстел теннисінің» ұлттық мектеп лигасына ағымдағы жылдың 3-7 сәуір аралығында мектебіміздің 11 сынып оқушысы Асанов Алмат, 9 сынып оқушылары Өмірзақов Асылбек, Пернебаева Амина, Орақбай Аяжан қатысып келді. Жетекшілері: дене шынықтыру мұғалімдері Джулмабаев Н., Төлеген Н.

Жалпы білім беру ұйымдарының оқушылары арасында «Абай әлемі» атты республикалық шығармашылық байқауының аудандық кезеңінің қатысушысы Жаңабек Диана грамотамен, республикалық «Мұқағали Мақатаев оқулары» байқауының аудандық кезеңінің «Көкірегімде жыр сәулесі маздайды...» номинациясы бойынша Саламатов Нурмухаммед ІІІ дәрежелі дипломмен, «Айтып өткен ақында арман бар ма?» номинациясы бойынша Адилбеков Султан ІІІ дәрежелі дипломмен марапатталды. Жеңімпаздар мен жетекшілерін жеңістерімен құттықтаймыз!