1 желтоқсан - Қазақстанның тұңғыш Президенті күні

1 желтоқсан - Қазақстанның тұңғыш Президенті күніне орай өткізілген тәрбие сағаттары білім алушылардың жас ерекшеліктеріне қарай түрлі деңгейде өткізілді. Бастауыш сыныптарда Елбасымыздың отбасы, балалық шағы туралы айтылып, бейнефильмнен үзінді көрсетілді. Ал орта буында Елбасының үлгі боларлық еңбек жолы дәріптелді. Қазақстанның қарқынды дамуындағы ұлан-асыр еңбегі насихатталды.

Президенттің тәуелсіз елімізді таныту мақсатында ұсынған «Ұлы Даланың жеті қыры» мақаласы да талқыланды. Рухани жаңғырудың жалғасындай болған мақала ұлттың тарихи бастауларын, Ұлы Даланың өркениеті мен генезисін, тереңге тартқан тарихымызды әр қырынан тануға септігін тигізері сөзсіз. Бұл бізге болашаққа бағдаршам сияқты жол сілтейді.